HELLO SOLAPUR | सोलापूर जिल्ह्यात झालेल्या अतिवृष्टीमुळे पूर परिस्थिती निर्माण झाली. त्यामध्ये महिला आणि मुलींचे आरोग्य चांगले राहावे म्हणून कीमय” सॅनिटरी नॅपकिन उत्पादन व “मी सक्षम” फाउंडेशन (एकल महिलांसाठी कार्यरत) यांच्यावतीने सॅनिटरी पॅड कीट देण्यात आले. सोलापूरचे जिल्हाधिकारी कुमार आशीर्वाद यांच्याकडे वितरणासाठी हे कीट सुपूर्द करण्यात आले.
महाराष्ट्र राज्याच्या महिला व बालकल्याण मंत्री अदिती तटकरे यांच्या आवाहनानुसार पूरग्रस्त भागातील महिला मुलींसाठी मदत करावे असे सांगण्यात आले होते. त्यांच्या आवाहनाला प्रतिसाद देत कीमय” सॅनिटरी नॅपकिन उत्पादन आणि “मी सक्षम” फाउंडेशन (एकल महिलांसाठी कार्यरत) यांच्या वतीने सॅनिटरी पॅड चे किट तयार करून ते महिला व मुलींना मोफत वितरणासाठी देण्यात आले.
यावेळी कीमय” सॅनिटरी नॅपकिन उत्पादन कंपनी आणि “मी सक्षम” फाउंडेशनच्या (एकल महिलांसाठी कार्यरत) अध्यक्षा ऍड. अनुराधा गडाळे तसेच वीणा पवार,डॉ.राजकुमार शास्त्री,गायत्री शास्त्री,स्मिता नाईक आदी उपस्थित होते.
सोलापूरची कन्या असलेली ऍड.अनुराधा गडाळे या सध्या पुण्यात आपला उद्योग व्यवसाय करीत कॉसमॉस बँकेच्या संचालक म्हणून कार्यरत आहेत.
सोलापूरवर आलेली ही नैसर्गिक आपत्ती पाहून त्यांनी थेट सोलापूर गाठत मदतीचा हात पुढे केला आणि महिला मुलींचे आरोग्य पूर परिस्थितीत चांगले राहावे म्हणून त्यांनी हजारो सॅनिटरी पॅडचे किट आणून मोफत वितरण केले.
