HELLO SOLAPUR NEWS | सोलापूर विधानपरिषद निवडणुकीच्या पार्श्वभूमीवर भाजपने स्थानिक स्वराज्य संस्थांतील आपल्या सर्व 316 मतदार सदस्यांना व्हीप जारी केला आहे.
भाजप जिल्हाध्यक्ष शशिकांत चव्हाण आणि शहराध्यक्ष रोहिणी तडवळकर यांच्या स्वाक्षरीने हा व्हीप जारी करण्यात आला आहे.
महापालिका, नगरपरिषद, नगरपंचायत, जिल्हा परिषद सदस्य तसेच पंचायत समिती सभापतींना पक्षाने दिलेल्या आदेशांचे पालन करण्याच्या सूचना करण्यात आल्या आहेत.
विधानपरिषद निवडणुकीत भाजपचे उमेदवार राजेंद्र राऊत आणि राष्ट्रवादी काँग्रेस (शरद पवार गट) चे उमेदवार वसंतराव देशमुख यांच्यात थेट लढत होत आहे.
विशेष म्हणजे, महायुतीकडे स्पष्ट बहुमत असल्याचे मानले जात असतानाही भाजपने व्हीप जारी केल्याने पक्ष शिस्त आणि मतदानातील शंभर टक्के एकजूट सुनिश्चित करण्याचा प्रयत्न असल्याची चर्चा राजकीय वर्तुळात सुरू आहे.
सोलापूर जिल्ह्यातील भाजप नेत्यांनी एकजुटीने काम केले असले तरी भाजपकडून ताकही फुंकून पिण्याची पद्धत राबवली जात आहे.
