HELLO SOLAPUR | सोलापूर जिल्हा परिषद अध्यक्षपदाच्या निवडीकडे सध्या संपूर्ण जिल्ह्याचे लक्ष लागले आहे. झेडपीचे अध्यक्षपद बार्शी तालुक्याकडे गेल्याची माहिती समोर येत आहे. जिल्हा परिषदेच्या अध्यक्षपदासाठी नुतन झेडपी सदस्य दिपक वैद्य यांचे नाव जवळपास निश्चित झाल्याची चर्चा राजकीय वर्तुळात सुरू आहे.
बार्शी तालुक्यातील उपळाई ठोंगे येथून जिल्हा परिषद सदस्य म्हणून निवडून आलेले दिपक वैद्य हे माजी आमदार राजेंद्र राऊत यांचे कट्टर समर्थक म्हणून ओळखले जातात. सर्वसामान्य शेतकरी कुटुंबातून पुढे आलेले नेतृत्व अशीही त्यांची ओळख आहे.
यंदाच्या जिल्हा परिषद निवडणुकीत माजी आमदार राजेंद्र राऊत यांच्या नेतृत्वाखाली बार्शी तालुक्यात भाजपने मोठे यश मिळवले.
तालुक्यातील सर्वच्या सर्व 8 जिल्हा परिषद गट आणि 16 पंचायत समिती गणांमध्ये भाजपचे उमेदवार विजयी झाले. या विजयामुळे बार्शी तालुक्याचे जिल्हा पातळीवरील राजकीय महत्त्व अधिक वाढले आहे.
दरम्यान, सोलापूर जिल्हा परिषदेत एकूण 68 पैकी 38 जागा जिंकत भाजपने स्पष्ट बहुमत मिळवत एकहाती सत्ता स्थापन केली आहे. त्यामुळे अध्यक्षपदासाठी पक्षांतर्गत मोठी चूरस निर्माण झाली होती. अनेक नावांची चर्चा सुरू असतानाच आता दिपक वैद्य यांच्या नावाला प्राधान्य मिळत असल्याची माहिती समोर येत आहे.
जर दिपक वैद्य यांच्या नावावर अंतिम शिक्कामोर्तब झाले, तर सोलापूर जिल्हा परिषद अध्यक्षपद बार्शी तालुक्याकडे जाणार आहे. त्यामुळे बार्शी तालुक्यासाठी हा मोठा राजकीय सन्मान मानला जात आहे.
दरम्यान, या निवडीबाबत अधिकृत घोषणा होणे बाकी असून, अंतिम निर्णय लवकरच होण्याची शक्यता व्यक्त केली जात आहे. राजकीय वर्तुळात मात्र या घडामोडींमुळे मोठी उत्सुकता निर्माण झाली आहे.
तालुक्यातील सर्वच्या सर्व 6 जिल्हा परिषद गट आणि 12 पंचायत समिती गणांमध्ये भाजपचे उमेदवार विजयी झाले. या विजयामुळे बार्शी तालुक्याचे जिल्हा पातळीवरील राजकीय महत्त्व अधिक वाढले आहे.
दरम्यान, सोलापूर जिल्हा परिषदेत एकूण 68 पैकी 38 जागा जिंकत भाजपने स्पष्ट बहुमत मिळवत एकहाती सत्ता स्थापन केली आहे. त्यामुळे अध्यक्षपदासाठी पक्षांतर्गत मोठी चूरस निर्माण झाली होती. अनेक नावांची चर्चा सुरू असतानाच आता दिपक वैद्य यांच्या नावाला प्राधान्य मिळत असल्याची माहिती समोर येत आहे.
जर दिपक वैद्य यांच्या नावावर अंतिम शिक्कामोर्तब झाले, तर सोलापूर जिल्हा परिषद अध्यक्षपद बार्शी तालुक्याकडे जाणार आहे. त्यामुळे बार्शी तालुक्यासाठी हा मोठा राजकीय सन्मान मानला जात आहे.
दरम्यान, या निवडीबाबत अधिकृत घोषणा होणे बाकी असून, अंतिम निर्णय लवकरच होण्याची शक्यता व्यक्त केली जात आहे. राजकीय वर्तुळात मात्र या घडामोडींमुळे मोठी उत्सुकता निर्माण झाली आहे.
