HELLO SOLAPUR | सोलापूर जिल्ह्यातील शिवसेना शिंदे गटाचे जिल्हाप्रमुखावर हल्ला झाल्याची माहिती समोर येतेय. शिवसेना शिंदे गटाचे करमाळा विभागाचे जिल्हाप्रमुख महेश चिवटे यांना ही बेदम मारहाण झाल्याची प्राथमिक माहिती समोर आली आहे. (Attack on Shivsena shinde president mahesh chivte at karmala)
महेश चिवटे हे आज सकाळी शेतातून घराकडे जात असताना रस्त्यात आडवून ही मरहाण केली. मनोज लांडगे या तरुणाने ही मारहाण केल्याचा आरोप पिडीत महेश चिवटे यांनी केला आहे.
दरम्यान हल्ला झाल्यानंतर करमाळ्याचे पोलीस निरीक्षक रणजीत माने हे घटनास्थळी दाखल झाले आहेत. सदर घटनेचा अधिक तपास पोलीस करत आहेत.
करमाळा तालुक्यातील हिवरवाडी येथे सकाळी शेतात गेल्यावर हल्ला झाल्याची माहिती समोर आली आहे.
महेश चिवटे हे शिवसेना शिंदे गटाचे जिल्हाप्रमुख तसेच आरोग्य सेवक मंगेश चिवटे यांचे मोठे बंधू आहेत. मात्र हा हल्ला का केला याबाबत कोणताही तपशील समोर आलेला नाही.
दरम्यान जिल्हाप्रमुख महेश चिवटे हे करमाळा उपजिल्हा रुग्णालयात दाखल झाल्याची माहिती आहे.
