HELLO SOLAPUR | एकीकडे राज्यात स्थानिक स्वराज्य संस्थांच्या निवडणुकांच्या धुरा उडालेला असतानाच दुसरीकडे मात्र राज्यातील दोन दिग्गज प्रतिस्पर्धी नेते एकमेकांना भेटल्याचे पाहायला मिळाले. मुख्यमंत्री देवेंद्र फडणवीस तसेच ज्येष्ठ नेते शरद पवार आणि देशातील बडे उद्योगपती गौतम आदाने एकाच सोफ्यावर बसलेले पाहायला मिळाले.
ही भेट राजकीय नसली तरी निवडणुकांच्या काळातल्या या भेटीने अनेक तर्कवितर्क लावले जात आहेत.
शरद पवार आणि मुख्यमंत्री फडणवीस यांच्या भेटीचे कारण म्हणजे आयपीएस अधिकारी प्रवीण रामराव पवार यांची कन्या प्राजक्ता व हिमांशू यांच्या लग्न समारंभास दोन्ही नेत्यांसह उद्योजक गौतम अदानी यांनी उपस्थिती लावली.
विशेष म्हणजे या विवाह सोहळ्याप्रसंगी मुख्यमंत्री देवेंद्र फडणवीस, ज्येष्ठ नेते शरद पवार आणि उद्योजक गौतम आदानी यांनी एकाच टेबलवर बसून भोजन देखील केल्याची माहिती समोर आली आहे. जवळपास अर्धा ते पाऊण तास एकाच टेबलवर दोन्ही नेत्यांनी नेत्यांनी भोजनाचा आस्वाद घेतला.
लोणावळा येथील डीलर रिसॉर्ट या डेस्टिनेशन वेडिंग रिसॉर्ट मध्ये हा विवाह सोहळा पार पडला. यावेळी या दोन्ही नेत्यांची भेट झाली. त्यामुळे पवार फडणवीस भेटीची चर्चा राजकीय वर्तुळात चर्चेला आली आहे.
आगामी स्थानिक स्वराज्य संस्थांच्या पार्श्वभूमीवर राष्ट्रवादी शरद पवार गटाचे सर्वेसर्वा शरद पवार यांनी आपल्या पदाधिकाऱ्यांना भाजपसोबत सोडून इतरांशी युती करावी असे सूचना दिल्याची माहिती समोर आली होती.
मात्र पवार फडणवीस यांच्या भेटीने वेगळीच राजकीय चर्चा रंगल्याच पाहायला मिळालं. विशेष म्हणजे ज्येष्ठ नेते शरद पवार यांनी याबाबतचा फोटो देखील आपल्या समाज माध्यमांवर पोस्ट केला.
