HELLO SOLAPUR | सोलापूर महापालिकेच्या सर्वसाधारण सभेत स्वीकृत नगरसेवकांची घोषणा करण्यात आली. भाजपकडून 9 पैकी 8 स्विकृत सदस्यांची घोषणा करण्यात आली. या निवडीनंतर जोरदार घोषणाबाजी करण्यात आली.
यामध्ये भाजपच्या शहराध्यक्ष रोहिणी तडवळकर, पत्रकार मनिष केत, अक्षय अंजीखाने, वृषाली चालुक्य, ज्ञानेश्वर म्याकल, श्रीनिवास दायमा, हृषीकेश मेट्रे आणि रुद्रेश बोरामणी यांची निवड करण्यात आली. तसेच एमआयएमकडून नय्युम सालार यांची स्विकृत नगरसेवक म्हणून निवड करण्यात आली.
यंदा स्वीकृत नगरसेवकांच्या दहा जागांसाठी महापालिका आयुक्तांकडे एकूण 62 अर्ज दाखल झाले होते. यापैकी पात्रतेच्या आधारे आणि पक्षीय निर्णयानुसार 10 जणांची निवड करण्यात आली आहे. यात भाजपकडून तब्बल 9 स्वीकृत नगरसेवकांना संधी मिळाली असून, एमआयएम पक्षाला 1 जागा मिळाली आहे.
भाजपच्या स्वीकृत नगरसेवकांच्या यादीत पक्षातील पदाधिकारी, निष्ठावंत कार्यकर्ते तसेच आमदार देवेंद्र कोठे यांच्या समर्थकांचा मोठ्या प्रमाणावर समावेश असल्याचे पाहायला मिळत आहे.
या निवडीमुळे भाजपने संघटनात्मक मजबुतीला प्राधान्य दिल्याचे स्पष्ट होत आहे.
यंदाच्या यादीत भाजपच्या शहराध्यक्ष रोहिणी तडवळकर यांची स्वीकृत नगरसेवक म्हणून निवड करण्यात आली आहे.
यासोबतच पत्रकारिता क्षेत्राचे प्रतिनिधित्व म्हणून मनीष केत यांचीही स्वीकृत नगरसेवक म्हणून निवड करण्यात आली असून, विविध क्षेत्रांतील प्रतिनिधींना संधी देण्याचा प्रयत्न भाजपकडून करण्यात आल्याचे चित्र आहे.
दरम्यान, एमआयएम पक्षाकडून नय्युम सालार यांची एकमेव स्वीकृत नगरसेवक म्हणून निवड करण्यात आली आहे. त्यामुळे महापालिकेतील एमआयएमच्या भूमिकेकडेही आता लक्ष वेधले जाणार आहे.
स्वीकृत नगरसेवकांच्या या निवडीमुळे सोलापूर महापालिकेतील राजकीय समीकरणे अधिक बळकट झाली असून, आगामी काळात महापालिकेच्या कामकाजात सत्ताधारी भाजपचा प्रभाव अधिक वाढण्याची शक्यता व्यक्त केली जात आहे.
शहराच्या विकासकामांवर आणि धोरणात्मक निर्णयांवर या स्वीकृत नगरसेवकांची भूमिका महत्त्वाची ठरणार आहे.
