HELLO SOLAPUR | सोलापुरात जमिनीतून गुप्तधनाचा हंडा काढून देतो असे सांगत एका भोंदू बाबाकडून 1 कोटी 87 लाख 31 हजाराची फसवणूक केल्याची धक्कादायक घटना उघड झाली आहे.
कोट्यावधीची फसवणूक करणाऱ्या आरोपी भोंदू बाबाला सोलापूर पोलिसांच्या गुन्हे शाखेने जेरबंद केले आहे. मोहम्मद कादर शेख असे फसवणूक करणाऱ्या भोंदू बाबाचे नाव आहे.
फिर्यादी गोविंद मल्लिकार्जुन वंगारी यांच्या तक्रारीनंतर ही कारवाई करण्यात आली. गोविंद वंगारी यांना घरातून गुप्तधनाचा हंडा काढून देतो असे अमित दाखवले. तसेच फिर्यादीला काहीतरी द्रव्यपदार्थ पिण्यास देऊन जादूटोणा केला.
त्यासाठी आरोपी महंमद कादर शेख याने वंगारी यांच्याकडून 1 कोटी 87 लाख 31 हजार 300 रुपये वेळोवेळी घेतले अशी तक्रार पोलीस आयुक्त एम राजकुमार यांच्याकडे देण्यात आली होती.
पोलीस आयुक्तांनी तपासकामी ही तक्रार सोलापूर गुन्हे शाखेकडे पाठवली. सोलापूर गुन्हे शाखेचे पोलीस निरीक्षक अरविंद माने यांच्याकडे पाठवली. याचा तपास गुन्हे शाखेचे सहाय्यक पोलीस निरीक्षक दत्तात्रय काळे यांनी केला.
त्यानुसार जेलरोड पोलीस स्टेशन, सोलापूर शहर येथे गुरनं. 516/2025 भारतीय दंड संहिता कलम 406,417,420 व महाराष्ट्र नरबळी आणि इतर अमानुष, अनिष्ट व अघोरी प्रथा व जादुटोणा यांना प्रतिबंध घालण्याबाबत व त्यांचे समुळ उच्चाटन करण्याबाबत अधिनियम, 2013 चे कलम 3 (2) अन्वये, दिनांक 9/10/2025 रोजी गुन्हा दाखल केला आहे.
सदर गुन्ह्यातील आरोपी मोहम्मद कादरसाब शेख याचा शोध घेण्याकरीता गुन्हे शाखेकडील 4 तपास पथके रवाना केली. त्यापैकी स.पो. नि. दत्तात्रय काळे व त्यांचे तपास पथकास सदर आरोपी हा कर्नाटक राज्यातील विजापूर येथे असल्याची गोपनीय माहिती प्राप्त झाली. मात्र त्याचा निश्चित पत्ता मिळाला नाही.
त्यानंतर, मिळालेल्या माहितीनुसार दि. 9/10/2025 रोजी वरिष्ठ पोलीस निरीक्षक अरविंद माने, सहाय्यक पोलीस निरीक्षक दत्तात्रय काळे हे तपास पथकासह विजापूर येथे जाऊन आरोपी मोहम्मद कादरसाब शेख याला ताब्यात घेतले.
आरोपी कादर शेख हा विजयपूर येथील आदिलशाही नगर, जर्मन बेकरी जवळ राहत असल्याची माहिती प्राप्त झाली. त्यानंतर आरोपीला त्याच्या राहत्या घरातून ताब्यात घेण्यात आले आहे. तसेच यावेळी त्याच्याकडून जादुटोण्याचे साहित्य जप्त करण्यात आले.
त्यानंतर आरोपी महंमद कादर शेख याला न्यायालया समक्ष हजर केले असता, त्याला 13 /10/2025 रोजी पर्यंत पोलीस कोठडी सुनावली आहे.
सदर गुन्ह्याचा पुढील तपास गुन्हे शाखेचे पोलीस निरीक्षक अरविंद माने हे करीत आहेत. सोलापूर शहरातील नागरीकांना आवाहन करण्यात आलेय की, त्यांची देखील अशाच प्रकारे फसवणुक झाली असल्यास त्यांनी संबंधीत पोलीस स्टेशन येथे तक्रार दाखल करावी.
