HELLO SOLAPUR | सोलापूर शहरात उमेदवारी अर्ज मागे घेण्याच्या वादातून झालेल्या मनसे पदाधिकारी बाळासाहेब सरवदे यांच्या हत्येप्रकरणी मोठी कारवाई करण्यात आली आहे.
या प्रकरणात भाजपचे उमेदवार शालन शंकर शिंदे यांच्यासह एकूण 15 जणांविरोधात गुन्हा दाखल करण्यात आला आहे.
प्रभाग क्रमांक 2 क मधील उमेदवारी अर्ज मागे घेण्यावरून भाजपमधील दोन गटांमध्ये तीव्र वाद निर्माण झाला होता. भाजपकडून शालन शंकर शिंदे यांना अधिकृत उमेदवारी मिळाल्यानंतर, त्यांच्याविरोधात भाजपच्या इच्छुक उमेदवार रेखा सरवदे यांनी बंडखोरी करत उमेदवारी अर्ज दाखल केला होता.
अर्ज मागे घेण्यासाठी शालन शिंदे यांच्या गटाकडून दबाव टाकण्यात आल्याचा आरोप होत होता. या पार्श्वभूमीवर दोन्ही गटांमध्ये जोरदार वाद झाला. त्यानंतर रेखा सरवदे यांनी उमेदवारी अर्ज मागे घेतला, मात्र यानंतरही वाद शमला नाही.
याच वादातून मध्यस्थीसाठी गेलेले मनसे पदाधिकारी बाळासाहेब सरवदे यांच्यावर जीवघेणा हल्ला करण्यात आला. फिर्यादीत नमूद केल्याप्रमाणे, भाजप उमेदवार शालन शंकर शिंदे यांनी बाळासाहेब सरवदे यांच्या डोळ्यात चटणी टाकली, त्यानंतर इतर आरोपींनी धारदार शस्त्राने वार करून त्यांची निर्घृण हत्या केली.
या प्रकरणी मयत बाळासाहेब सरवदे यांचे भाऊ बाजीराव पांडुरंग सरवदे यांनी दिलेल्या फिर्यादीवरून सोलापुरातील जेलरोड पोलीस ठाण्यात गुन्हा दाखल करण्यात आला आहे.
या हत्येप्रकरणी आरोपींवर बीएनएस कलम 103, 109, 189 (1) 189 (2), 190, 191 (2), 191 (3), 49, 352, 351 (2) तसेच शस्त्र अधिनियम 4, 25 आणि महाराष्ट्र पोलीस अधिनियम 135 अंतर्गत गुन्हा नोंदवण्यात आला आहे.
एकूण 13 गंभीर कलमांन्वये गुन्हा दाखल करण्यात आला असून तपासाला वेग आला आहे. यामध्ये 4 संशयित आरोपीना पोलिसांनी ताब्यात घेतल्याची माहिती समोर आली आहे.
दरम्यान, ऐन निवडणुकीच्या तोंडावर घडलेल्या या घटनेमुळे सोलापूरचे राजकारण चांगलेच तापले असून, कायदा-सुव्यवस्थेचा प्रश्न पुन्हा ऐरणीवर आला आहे.
पोलिसांकडून पुढील तपास सुरू असून आरोपींच्या अटकेबाबत लवकरच कारवाई होण्याची शक्यता वर्तवली जात आहे. या प्रकरणाचा तपास सहाय्यक पोलीस निरीक्षक ज्योत्सना भांबिष्ठे करत आहेत.
पोलिसांकडून पुढील तपास सुरू असून आरोपींच्या अटकेबाबत लवकरच कारवाई होण्याची शक्यता वर्तवली जात आहे. या प्रकरणाचा तपास सहाय्यक पोलीस निरीक्षक ज्योत्सना भांबिष्ठे करत आहेत.
गुन्हा दाखल झालेल्या आरोपींची नावे खालीलप्रमाणे :
अमर शंकर शिंदे
विशाल शंकर शिंदे
आदर्श शंकर शिंदे
सुनील शंकर शिंदे
राहुल राजू सरवदे
ईश्वर सिद्धेश्वर शिंदे
रोहित राजू सरवदे
तानाजी बाबू शिंदे
महेश शिवाजी भोसले
शंकर बाबू शिंदे
अनिल शंकर शिंदे
सौ. शालन शंकर शिंदे
सौ. शारदा तानाजी शिंदे
आलोक तानाजी शिंदे
विशाल संजय दोरकर
