HELLO SOLAPUR | सोलापूर जिल्ह्यात आगामी स्थानिक स्वराज्य संस्थेच्या निवडणुकीचे वातावरणात तापले असल्याचे पाहायला मिळत आहे. सोलापूर जिल्ह्यातील महायुतीत हे वातावरण चांगलेच तापले आहे.
एकीकडे सोलापूर जिल्ह्यातील 5 माजी माजी आमदार भाजपच्या वाटेवर असतानाच दुसरीकडे महायुतीतील वातावरण आता चांगलेच तापल्याचे पाहायला मिळतेय.
भाजपचे अक्कलकोटचे आमदार आणि मुख्यमंत्री फडणवीसांचे विश्वासू सहकारी सचिन कल्याणशेट्टी यांनी सोलापूरच्या राजकारणात मोठा धमाका केलाय.
आमदार सचिन कल्याणशेट्टी यांनी आगामी जिल्हा परिषदेची निवडणूक स्वबळावर लढणार असल्याचे स्पष्ट केले आहे. त्याचबरोबर अक्कलकोट तालुक्यातील तीन नगरपंचायती भाजपच्या चिन्हावर स्वतंत्र लढणार असल्याचेही स्पष्ट केले.
स्थानिक स्वराज्य निवडणुकीत भाजप ताकतीने उतरणार. सोलापूर जिल्हा परिषद निवडणूक स्वबळावर लढवणार आणि जिंकणारही आहे.
आम्ही भाजप पक्षाच्या कमळ चिन्हावर स्वबळावर लढवून सत्ता आणण्यासाठी प्रयत्नशील आहोत. स्थानिक स्वराज्य निवडणुकीच्या अनुषंगाने सर्व अधिकार स्थानिक नेत्यांना देण्यात आले आहेत.
लवकरच पालकमंत्री जयकुमार गोरे हे सोलापूर जिल्ह्यात महायुतीबाबत निर्णय घेणार आहेत. भाजपची स्वबळाची निवडणूक लढण्याची तयारी पूर्ण झाली आहे.
मात्र असं असले तरी संघटनेचे जे प्रमुख नेते जो निर्णय घेतील तो आम्हाला मान्य असणार असल्याचेही आमदार कल्याणशेट्टी यांनी सांगितले.
अक्कलकोट तालुक्यात तीन नगरपालिका असून आम्ही ताकतीने आम्ही निवडणुकीत उतरणार आहोत. अक्कलकोट तालुक्यात कोणाबरोबरही युती करणार नाही. मी पक्षश्रेष्ठीनाही विनंती केली आहे, आम्ही स्वबळावर तालुक्यात निवडणुका लढणार आहोत.
वास्तविक पाहता अक्कलकोट तालुक्यातील ट्रॅक रेकॉर्ड पाहिला तर आम्हाला युती करायची गरज नाही, अशा शब्दात अक्कलकोटचे भाजप आमदार सचिन कल्याणशेट्टी यांनी स्पष्ट केले.
यानिमित्ताने अक्कलकोट तालुक्यातील आजी-माजी आमदारांचा राजकीय संघर्ष सत्तेत असूनही सुरूच राहणार असल्याचे स्पष्ट झाले आहे.
