HELLO SOLAPUR NEWS |सोलापूर विधान परिषद निवडणुकीत मोठी राजकीय घडामोड घडली आहे. राष्ट्रवादी काँग्रेस (शरद पवार गट) चे करमाळ्याचे आमदार नारायण पाटील यांनी भाजप उमेदवार राजेंद्र राऊत यांना जाहीर पाठिंबा दिला आहे.
करमाळा तालुक्यातील जेऊर येथे झालेल्या बैठकीत हा पाठिंबा जाहीर करण्यात आला. या बैठकीला राज्याचे पालकमंत्री जयकुमार गोरे उपस्थित होते.
यावेळी भाजपचे जिल्हाध्यक्ष शशिकांत चव्हाण, चेतनसिंह केदार, तसेच आमदार पुत्र व जेऊरचे सरपंच पृथ्वीराज पाटील यांच्यासह अनेक पदाधिकारी आणि कार्यकर्ते उपस्थित होते.
राष्ट्रवादी (शरद पवार गट) च्या आमदाराने भाजप उमेदवाराला दिलेल्या या पाठिंब्यामुळे सोलापूर विधान परिषद निवडणुकीच्या राजकीय समीकरणांमध्ये महत्त्वाची घडामोड झाल्याची चर्चा सुरू झाली आहे.
एकीकडे मोहिते पाटील समर्थक म्हणून ओळख असलेले आमदार नारायण पाटील यांनी पहिल्या दिवसापासून भाजप उमेदवार राजेंद्र राऊत यांच्यासोबत राहणे पसंत केले आहे.
मात्र दुसरीकडे पक्षाचा अधिकृत उमेदवार असूनही नारायण पाटलांनी भाजप उमेदवाराला जाहीर पाठिंबा दिला आहे. त्यामुळे आगामी लोकसभेची मोर्चेबांधणी मोहिते भाजपने केल्याचे पाहायला मिळत आहे.
