HELLO SOLAPUR | चार दिवसांपूर्वीच भारतीय जनता पार्टीने ऑपरेशन लोटस राबवत सोलापूर जिल्ह्याला चांगलाच धक्का दिला होता. त्यामुळे भारतीय जनता पार्टीच्या नेत्यांमध्ये आनंदाचे वातावरण होते.
मात्र हा आंनद औटघटकेचा ठरतो की काय अशी परिस्थिती निर्माण झाली आहे. कारण पार्टी विथ डिफेरंट अशी बिरूदावली लावणाऱ्या भारतीय जनता पार्टीचे दक्षिण सोलापूर तालुक्यातील पदाधिकारी धरणे आंदोलन करणार आहेत.
घोटाळ्यात बुडालेल्या आणि जनतेची फसवणूक करणाऱ्या कलंकित नेत्यांच्या पक्ष प्रवेशाचा जाहीर निषेध आम्ही करणार आहोत अशा आशयाची फेसबुक पोस्ट अप्पासाहेब मोटे यांनी केली आहे.
अप्पासाहेब मोटे हे भाजप युवा मोर्चाचे दक्षिण सोलापूर तालुकाध्यक्ष आहेत. त्यामुळे भाजप विरोधात भाजपचे पदाधिकारी आंदोलन करताना पाहायला मिळणार आहे.
यापूर्वी माजी शहराध्यक्ष हेमंत पिंगळे यांनी देखील अशाच पद्धतीने आमदार विजयकुमार देशमुख यांच्याविरोधात आंदोलन केले होते. मात्र त्यावेळी ते एकाकी पडले होते.
उद्या मात्र दक्षिण सोलापूर तालुक्यातील कार्यकर्ते जोरदार ताकत लावत धरणे आंदोलन करण्याच्या तयारीत आहेत. त्यामुळे भाजपतील हे बंड कसे शमणार हे पाहणे महत्वाचे आहे.
अशी आहे फेसबुक पोस्ट :
🔥 🔥 निषेध! निषेध! निषेध! 🔥
भारतीय जनता पक्षाच्या दक्षिण विधानसभेतील कार्यकर्त्यांचे धरणे आंदोलन!
घोटाळ्यात बुडालेल्या , जनतेची फसवणूक करणाऱ्या कलंकित नेत्यांच्या प्रवेशाचा जाहीर निषेध.
💪 कार्यकर्त्यांच्या हितासाठी
💪 पक्षाच्या वाढीसाठी
💪 निष्ठावंताच्या हक्कासाठी
भारतीय जनता पक्ष रस्त्यावर उतरला आहे!
🗓️ दिनांक: 21 ऑक्टोंबर
📍 ठिकाण: भाजपा कार्यालय , सिव्हिल चौक , सोलापूर
⏰ वेळ: सकाळी 10 वाजता
चला, एकत्र येऊ —
“ कार्यकर्त्यांचा आवाज दाबू देणार नाही!”
“सत्यासाठी झुंज देऊ —
जय भाजपा!”
