HELLO SOLAPUR NEWS | डी मार्ट फाऊंडेशनने एन. एम. वाडिया चॅरिटेबल हॉस्पिटलला दिलेल्या साडेसहा कोटी रुपयांच्या देणगीतून, चार मॉड्युलर ऑपरेशन थिएटर्स, शस्त्रक्रियेसाठी लागणारी अद्ययावत मशीनरी तसेच सर्जिकल आयसीयू मधील विविध उपकरणे यासह तयार झालेल्या सर्जिकल विभागाचे आज उदघाटन झाले.
सुरवातीला वाडियाचे चेअरमन श्री. प्रवीणसिंह परदेशी यांच्या हस्ते डी मार्ट चे डायरेक्टर आणि सी ओ ओ श्री एन भास्करन यांचा सत्कार झाला. तसेच CSR Head श्री.जयदीप सोमण यांचा सत्कार श्री. शिरीष गोडबोले यांच्या हस्ते झाला.
श्री भास्करन यांनी तयार झालेल्या सगळ्या कामाबद्दल समाधान व्यक्त केले. आपल्या भाषणात त्यांनी
आपले मनोगत व्यक्त करताना म्हटले D mart नाही तर अजून कोणी हा भार उचललाच असता पण आज आम्ही या डेव्हलपमेंट चा भाग झालो. आज इथे उपस्थित राहता आले. याचा मला आनंद आहे. डॉक्टर हे ईश्वराचेच रूप आहे. ये हॉस्पिटल बढिया हुआ है. त्यांनी असेही सांगितले की आम्ही आजपर्यंत शिक्षणासाठी CSR निधी दिले आहेत.
CSR head सोमण म्हणाले ज्या उद्देशाने हे हॉस्पिटल बनतं आहे ते पाहून आनंद वाटला आणि निधी देण्याचे ठरले. अवघ्या ७ महिन्यात सर्व काम पूर्ण झाले हे पाहून छान वाटले.
श्री. प्रवीणसिंह परदेशी ह्यांनी डी मार्टच्या या देणगीबद्दल आणि त्यांच्या सहकार्याबद्दल एका मोठया विभागाचा म्हणजे ऑपरेशन थिएटर्स आणि सर्जिकल युनिटचा भार उचलला म्हणून कृतज्ञता व्यक्त केली. आपल्या सारख्याच अनेकांकडून सहकार्य मिळत आहे. नावाजलेले अनुभवी डॉक्टर आज या हॉस्पीटल चा भाग बनले आहेत. त्यांनी पुढील योजनांची माहिती दिली आणि लवकरच हे हॉस्पिटल १०० बेड्स चे होणार असल्याचे सांगितले.
उदघाटन प्रसंगी डी मार्ट चे व्हाइस प्रेसिडेंट श्री जयदीप सोमण आणि उत्तम पाटील आणि निलेश सांगोडकर हे उपस्थित होते. तसेच सोलापूर महानगरपालिकेच्या स्थायी समिती अध्यक्षा रंजिता चाकोते याही उपस्थित होत्या. त्याचप्रमाणे ह्याप्रसंगी, वाडिया हॉस्पिटलचे सचिव श्री. शिरीष गोडबोले, बोर्ड ऑफ मॅनेजमेंट चे अध्यक्ष श्री. राम रेड्डी आणि गव्हर्निंग कौन्सिल चे सर्व सदस्य उपस्थित होते.
सूत्र संचलन सेवाव्रती सौ. तृप्ती बापट यांनी केले. मुख्य वैद्यकीय अधिकारी डॉ. ज्ञानेश्वर सोडल यांनी ऋण व्यक्त केले.
