HELLO SOLAPUR | सोलापूर जिल्ह्यातील बार्शी कृषी उत्पन्न बाजार समितीकडून मुख्यमंत्री सहायता निधीसाठी भरघोस मदत करण्यात आली आहे. बार्शीचे माजी आमदार राजेंद्र राऊत यांच्या पुढाकारातून ही मदत करण्यात आली आहे.
बार्शी कृती उत्पन्न बाजार समितीने मुख्यमंत्री सहायता निधीसाठी 1 कोटी रुपयाची मदत केली आहे. सोलापूरचे पालकमंत्री जयकुमार गोरे आणि माजी आमदार राजेंद्र राऊत यांनी मुख्यमंत्री देवेंद्र फडणवीस यांच्याकडे 1 कोटी रुपयाचा चेक सुपूर्द केला आहे.
बार्शीकर एवढ्यावरच न थांबता बार्शीतील अनेक समाजसेवी संस्था, डॉक्टर, उद्योजक, व्यापारी, विविध संघटना यांनी देखील 29 लाख रुपये मुख्यमंत्री सहाय्यता निधीसाठी दिले आहेत.
बार्शी कृषी उत्पन्न बाजार समितीच्या शिल्लक ठेवीतून ही रक्कम देण्यात आल्याची माहिती माजी राजेंद्र राऊत यांनी दिली.
सोलापूर जिल्ह्यात अतिवृष्टीमुळे मोठ्याप्रमाणात नुकसान झाले आहे. त्यामुळे मुख्यमंत्री तसेच राज्यसरकारने दात्यांना मदत करण्याचे आवाहन केले होते. त्यानंतर बार्शीचे माजी आमदार राजेंद्र राऊत यांनी ही मदत जमा केली.
