HELLO SOLAPUR | मुलांमध्ये कला, आत्मविश्वास आणि व्यक्तिमत्व विकास घडवण्यासाठी समर्पित असलेल्या नाट्य शाळेकडून यंदाही ‘गंमत बालनाट्य शिबीर’ आयोजित करण्यात आले आहे.
गेल्या अनेक वर्षांपासून सातत्याने आयोजित केले जाणारे हे शिबीर विद्यार्थ्यांसाठी एक उत्तम व्यासपीठ ठरत असून, यामध्ये नाट्यकलेचे सर्व पैलू समजावून सांगितले जातात.
या शिबिरामध्ये नाटकाचा इतिहास, नाटकाचे विविध प्रकार, अभिनयाची मूलतत्त्वे याबाबत सखोल मार्गदर्शन केले जाते. तसेच विद्यार्थ्यांना ‘गुड टच – बॅड टच’ यासारख्या महत्त्वाच्या सामाजिक विषयांची जाणीव करून दिली जाते.
व्यक्तिरेखांचा अभ्यास, रंगमंच तंत्र, दिग्दर्शन, लेखन कौशल्य यांसह कॅमेरा फेसिंगचे प्रशिक्षणही या शिबिरात दिले जाणार आहे.
शिबिराचा विशेष भाग म्हणजे विद्यार्थ्यांना प्रत्यक्ष रंगमंचावर सादरीकरणाची संधी दिली जाते. उत्कृष्ट अभिनय आणि सादरीकरण करणाऱ्या विद्यार्थ्यांना पुरस्कार देऊन त्यांचा उत्साह वाढवला जातो.
या प्रक्रियेतून विद्यार्थ्यांमध्ये आत्मविश्वास वाढतो आणि त्यांच्या सर्जनशीलतेला नवे पंख मिळतात.
या शिबिराचे संयोजक सिने व नाट्य अभिनेते अमीर तडवळकर आणि अश्विनी तडवळकर यांनी जास्तीत जास्त विद्यार्थ्यांनी या संधीचा लाभ घ्यावा, असे आवाहन केले आहे. शिबिरासाठी संपर्क: ९९२१९०७६४२
