HELLO SOLAPUR (प्रतिनिधी) : प्रसिद्ध उद्योगपती अनंत मुकेश अंबानी यांच्या वाढदिवसानिमित्त सोलापूर शहर आणि जिल्ह्यात समाजसेवेचा भव्य उपक्रम राबविण्यात येणार आहे. शिखर पहारिया फाउंडेशनच्या वतीने गुरुवार, दि. ९ एप्रिल २०२६ रोजी तब्बल १४ ठिकाणी विविध समाजोपयोगी उपक्रमांचे आयोजन करण्यात आले असून, “एक वाढदिवस… हजारो हास्य… माणुसकीचा महोत्सव” ही संकल्पना प्रत्यक्षात उतरवली जाणार आहे.
या उपक्रमाची सुरुवात सोलापूर शहरातील जुनी मिल कंपाऊंड मैदान येथे होणार असून, येथे ५ हजार गरजू कुटुंबांना अन्नधान्य किटचे वाटप करण्यात येणार आहे. याच ठिकाणाहून विविध उपक्रमांना एकाच वेळी प्रारंभ केला जाणार आहे. फाउंडेशनचे तन्वीर शेख आणि राज सलगर यांनी याबाबत माहिती दिली.
शिक्षण, आरोग्य आणि स्वावलंबनाकडे मोठी पाऊले :
या महाउपक्रमात शिक्षण आणि स्वावलंबनावर विशेष भर देण्यात आला आहे.
२०० विद्यार्थिनींना सायकली देऊन त्यांच्या शिक्षणाचा मार्ग सुकर केला जाणार आहे
१ हजार विद्यार्थ्यांना शालेय बॅगचे वाटप
३०० विद्यार्थ्यांना शैक्षणिक दत्तक योजना
१० शाळांमध्ये आरओ फिल्टर प्लांट बसविणे
शाळांना डिजिटल स्मार्ट बोर्ड आणि संगणक संच उपलब्ध करून देणे
महिलांच्या सक्षमीकरणासाठी २०० महिलांना शिलाई मशीनचे वाटप करण्यात येणार असून, त्यांना स्वावलंबनाची संधी मिळणार आहे.
आरोग्य आणि पाणी सुविधांवर विशेष लक्ष :
आरोग्य क्षेत्रातही मोठा दिलासा देणारा निर्णय घेण्यात आला आहे.
आर्थिकदृष्ट्या दुर्बल रुग्णांसाठी १०० मोफत शस्त्रक्रिया करण्यात येणार आहेत
पाणी समस्येवर उपाय म्हणून :
शहर आणि जिल्ह्यात १०० ठिकाणी जनावरांसाठी पाण्याची पात्रे बसविण्यात येणार
कुंभारी येथील आण्णाभाऊ साठे नगर येथे बोअरवेल आणि सबमर्सिबल पंप बसविण्यात येणार
इतर महत्त्वाचे उपक्रम :
अनाथ आश्रमासाठी ५० बेडचे वितरण
वादळी वाऱ्यामुळे नुकसान झालेल्या घरांसाठी व मंदिरांसाठी १ हजार पत्र्यांचे वाटप
कुंभारी येथील गेनसिद्ध देवालयासाठी ५८.५ केव्हीए जनरेटर बसविणे
मान्यवरांची उपस्थिती, नागरिकांना आवाहन :
या कार्यक्रमास विविध मान्यवर आणि प्रशासनातील वरिष्ठ अधिकारी उपस्थित राहणार आहेत. फाउंडेशनचे धर्मराज गुंडे, कौशल शिंदे, सूर्या शेट्टीयार, तुषार जोगदनकर आणि धीरज कारंडे यांनी नागरिकांना मोठ्या संख्येने उपस्थित राहण्याचे आवाहन केले आहे.
उपक्रमाची ठळक वैशिष्ट्ये
एकाच दिवशी १४ ठिकाणी उपक्रमांचे आयोजन
५ हजार कुटुंबांना अन्नधान्य किट
शिक्षण, आरोग्य, पाणी व स्वावलंबनावर भर
३०० विद्यार्थी दत्तक योजना
१ हजार बॅग, २०० सायकली वाटप
१०० मोफत शस्त्रक्रिया
२०० महिलांना शिलाई मशीन
सोलापूर जिल्ह्यात एकाच दिवशी इतक्या व्यापक प्रमाणावर राबविण्यात येणाऱ्या या उपक्रमामुळे खऱ्या अर्थाने “माणुसकीचा महोत्सव” अनुभवायला मिळणार आहे.
