HELLO SOLAPUR | मागील अनेक दिवसांपासून प्रतीक्षेत असलेल्या स्थानिक स्वराज्य संस्थेच्या निवडणूकांची तारीख आज जाहीर होण्याची शक्यता आहे. राज्य निवडणूक आयोगाची आज पत्रकार परिषद होणार आहे.
आज सायंकाळी चार वाजता ही पत्रकार परिषद होणार असून आगामी स्थानिक स्वराज्य संस्थेच्या निवडणुकांबाबत ही पत्रकार परिषद असणार आहे.
राज्यातील 289 नगरपालिका, नगरपरिषद, नगरपंचायत तसेच जिल्हा परिषदेच्या निवडणुका रखडल्या आहेत. त्याचबरोबर राज्यातील 29 महानगरपालिका तसेच 331 पंचायत समित्यांच्या देखील निवडणुका प्रलंबित आहेत. त्यामुळे त्याबाबत आज निर्णय होण्याची शक्यता आहे.
31 जानेवारी 2026 पर्यंत स्थानिक स्वराज्य संस्थेच्या सर्व निवडणुका कराव्यात असे आदेश सर्वोच्च न्यायालयाने दिलेले आहेत. त्यामुळे आज होणाऱ्या राज्य निवडणूक आयोगाच्या पत्रकार परिषदेकडे सर्वांचे लक्ष लागले आहे.
यामध्ये प्रामुख्याने 246 नगरपालिका, 42 नगरपंचायती 32 जिल्हा परिषदा 29 महापालिका आणि 331 पंचायत समित्या या निवडणुका रखडलेल्या आहेत.
दरम्यान या निवडणुका किती टप्प्यात होतात की एकाच टप्प्यात सर्व निवडणुका पार पाडणार याबाबतही राज्यातील राजकीय वर्तुळाचे लक्ष लागले आहे.
