HELLO SOLAPUR : सोलापुरातील चिंचोली एमआयडीसी येथील केमिकल कंपनीला भीषण आग लागली आहे. साधारण सायंकाळी 4:15 वा ही आग लागल्याची माहिती आहे. आगीचे कारण अद्याप अस्पष्ट आहे.
एल अँड जी तुळजा असोसिएट्स प्रायव्हेट लिमिटेड असं या केमिकल कंपनीचे नाव आहे. या कंपनीत 100 पेक्षा अधिक कामगार काम करत होते. त्यावेळी ते कामगार आत अडकले होते. मात्र आता त्यांना बाहेर काढण्यात आले आहे.
मात्र आग प्रचंड भीषण असल्याने कंपनीकडे जाण्यास नागरिकांना मज्जाव करण्यात आला आहे. कंपनीत मोठ्याप्रमाणात स्फ़ोटाचे आवाज येत असल्याचे पाहायला मिळत आहेत.
सोलापुरातील चिंचोली एमआयडीसी येथील केमिकल कंपनीला आग लागलेल्या प्रत्यक्षदर्शीनी याबाबत माहिती दिलीय.
साधारण सायंकाळी 4:15 वाजता ही आग लागली त्यानंतर आम्ही घटनास्थळी पोहोचलो. कंपनीमध्ये 100 पेक्षा अधिक कामगार काम करत होते. त्यांना आम्ही स्थानिकांनी तात्काळ बाहेर काढले.
मात्र आग इतकी भीषण आहे की परिसरात धुराचे ढग तयार झाले आहेत. या आगीमुळे आसपासच्या गावांमध्ये भीतीचे वातावरण निर्माण झाले आहे.
दरम्यान या कंपनी शेजारी अनेक राष्ट्रीय आंतरराष्ट्रीय दर्जाच्या कंपन्या आहेत. त्यातील कामगारांना देखील बाहेर काढण्यात आले आहे.
– महेश भोसले (प्रत्यक्षदर्शी, चिंचोली एमआयडीसी )
